काय घडले तिसऱ्या आठवड्यात बिग बॉसच्या रितेश भाऊच्या धक्क्यावर – What happened in the third week of Bigg Boss Marathi

Bigg Boss marathi पाच मध्ये नुकताच भाऊचा धक्का म्हणजे वीकेंडचा वार पार पडला. रितेश देशमुखने कोणाचे केले कौतुक? कोणाला फटकारले तर कोणाच्या चुकांकडे केले दुर्लक्ष? प्रेक्षकांनी कोणावर केल्या काय कमेंट? या सगळ्या प्रश्नांची उत्तरे आपल्याला मिळणार आहेत आणि बिग बॉस मराठी मधली गेल्या आठवड्याचा लेखाजोखा आपण पाहणार आहोत.

खरं तर प्रेक्षक रितेश देशमुखच्या अँकरिंगवर प्रचंड नाराज आहेत. प्रेक्षकांना असे वाटतंय की रितेश देशमुखला (Ritesh Deshmukh) घरातील सदस्य अजिबात घाबरत नाहीत कारण गेले तीन आठवडे त्याच त्याच चुका घरातील काही सदस्य पुन्हा पुन्हा करत असल्याचे लक्षात येतेय.

सूरज चव्हाण झाला हिरो ( in Bigg Boss Marathi)

सूरज चव्हाणने (Suraj Chavhan) गेल्या आठवड्यात टास्कमध्ये अरबाजला तोडीसतोड टक्कर दिली आणि तो गेल्या आठवड्याचा हिरो ठरला. रितेश देशमुख यांनी ही त्याचे कौतुक केलं आणि अरबाजला चांगलेच फटकारले आहे. प्रेक्षकांनी देखील सूरजचे कौतुक केलं असून त्याला बाहेरून चांगलाच सपोर्ट मिळत आहे.

निक्की आणि जानव्हीची अरेरावी (in Bigg Boss Marathi )

गेल्या आठवड्यात देखील संपूर्ण आठवडा आणि टास्कमध्ये देखील निक्की (Nikki) आणि जानव्ही (Janhavi) या दोघींची अरेरावी आणि माज प्रेक्षकांना पाहायला मिळाला. टास्कमध्ये निक्कीने योगीताला ज्या प्रकारे धरले होते त्यावर रितेश देशमुखनी देखील निक्कीवर आग पाखड केल्याचे दिसून आले. फ्रेंच फ्राईजच्या टास्कमध्ये निक्की आणि जानव्ही सुरजला आम्हाला हात लावायचा नाही म्हणत वुमन्स कार्ड खेळताना दिसून आल्या.

गद्दार वैभव ( in Bigg Boss Marathi)

Bigg Boss Marathi सिझन 5 मध्ये पहिल्या दिवसापासून दोन गट पडल्याचे दिसून येतंय. एका गटात निक्की, अरबाज, जानव्ही, वैभव आणि घनशाम आहेत तर दुसऱ्या गटात बाकी सदस्य आहेत. या खेळात गेल्या आठवड्यात बोटीच्या टास्क बिग बॉसने खेळण्यासाठी दिला होता आणि त्यात दोन टीम करताना वैभवला अभिजितच्या टीममध्ये घातलं होते.तर निक्कीच्या टीममध्ये योगिता आणि सूरजला पाठवण्यात आले होते. बोटीच्या टास्कमध्ये वैभने मात्र त्याच्या टीमशी गद्दारी केली आणि अभिजितची टीम जिंकू शकली नाही. वैभवने टास्क संपल्यावर इरिनाशी चर्चा करताना त्याने बॅगेत मुद्दाम कमी मोती भरल्याचे सांगितले. या चुकीच्या वर्तुणूकीसाठी रितेश देशमुखने वैभवला चांगलेच फटकारले.

“ अभिजितच्या टीमला मी तुमच्याकडून खेळणार नाही असे स्पष्ट वैभवने सांगायला हवे होते पण त्यासाठी जिगर लागतो आणि ते जिगर प्रोटिनच्या डब्ब्यातुन मिळत नाही.” असे शब्द रितेश देशमुखने वैभवसाठी वापरले.

वैभवच्या अशा वागण्यामुळे प्रेक्षकही त्याच्यावर संतापले आहेत.

निक्कीचा वेगळा Bigg Boss सुरू आहे

रितेश देशमुखने या आठवड्यात देखील निक्कीला फटकारले आहे. रितेश देशमुख म्हणाला की समोरच्या टीमचा कॅप्टन झाला की आपण काम करायचं नाही. असं का? इथे तुमचा वेगळा बिग बॉस गेम सुरू आहे का? सूरज चव्हाणला तुम्ही घाबरलात कारण टास्क खेळताना तो आला की तुम्ही अरबाज इकडे ये म्हणून ओरडत होता. तुम्ही सूरजला आम्हाला हात लावायचा नाही म्हणून सांगितले. त्यावर निक्की म्हणाली की सूरज आम्हाला हात लावणार नाही हे आम्हाला माहीत होते तेंव्हा रितेश म्हणाला की तो सुसंस्कृत आहे. म्हणजे अप्रत्यक्षपणे निक्कीला असंस्कृत असल्याचा टोला लगावला आहे.

डबल एलिमीनेशन (in Bigg Boss Marathi)

या आठवड्यात Bigg Boss Marathi मध्ये नवीन ट्विस्ट आणत दोन स्पर्धकांना एलिमीनेट केलं. या वेळी नॉमीनेट सदस्यांमध्ये निखिल, सूरज, पंढरीनाथ, योगिता हे सदस्य डेंजर झोनमध्ये होते.या रविवारी भाऊचा धक्क्यावर बिग बॉसने डबल धक्का दिला आणि निखिल आणि योगिता हे दोन सदस्य घराबाहेर पडले.

भीकमध्ये मिळाली कॅप्टनसी (in Bigg Boss Marathi )

रितेश देशमुख यांनी निक्की आणि जानव्हीला अरबाजला सहज कॅप्टनसी का मिळू दिली असा प्रश्न विचारला तेंव्हा दोघींनी सांगितले की आम्हाला त्याला कॅप्टन करायचे होते म्हणून आम्ही त्याला फ्रेंच फ्राईज देऊन टाकली. तेंव्हा रितेश देशमुख म्हणाले की मग त्याने तुमच्या दोघींपैकी कोणाला तरी फ्रेंच फ्राईज देऊन कॅप्टन का केले नाही? तेंव्हा निक्की अरबाज सेल्फीश आहे असं म्हणाली त्यावर अरबाज म्हणाला की त्याला ही कॅप्टनसी भीकमध्ये मिळाल्या सारखे वाटत आहे.

आता येणाऱ्या पुढच्या आठवड्यात टीम निक्कीमधील सदस्यांची मैत्री आणि एकी अजून किती दिवस टिकणार आहे की पुढे हे एकमेकांच्या नरड्यावर पाय देऊन उभे राहतील? हे पाहण्यासारखे असणार आहे.तसेच टीम बी मधील सदस्य आता तरी एक होऊन खेळतील की अजूनही ते असेच गाफील राहणार आहेत हे देखील पाहण्यासारखे आहे.

या आठवड्यात सूरज चव्हाणला प्रेक्षकांचे भरभरून प्रेम मिळाले तर वैभवला प्रेक्षकांना शिव्या घातल्या. योगिता आणि अंकिताची प्रेक्षकांनी स्तुती केली तर निक्की आणि जानव्हीला बाहेर काढा म्हणून प्रेक्षक त्यांना शिव्या देत आहेत.पुढे आता Bigg Boss Marathiच्या घरात काय काय घडणार ते तर आपण पाहणारच आहोत.