Pune Cyber Crime: सायबर फसवणुकीच्या घटनांमध्ये दिवसेंदिवस वाढ होत असून, घरबसल्या काम करण्याच्या आमिषाने एका तरुणाची तब्बल २४.४५ लाख रुपयांची फसवणूक झाल्याचा प्रकार उघडकीस आला आहे. या प्रकरणी कोंढवा पोलीस ठाण्यात अज्ञात सायबर गुन्हेगारांविरोधात तक्रार दाखल करण्यात आली आहे.
घरबसल्या कमाईचा विश्वास
कोंढवा परिसरातील येवलेवाडी येथे राहणाऱ्या एका तरुणाला मोबाइलवर अनोळखी क्रमांकावरून संदेश आला. संदेशामध्ये घरबसल्या पैसे कमावण्याची सुवर्णसंधी असल्याचे सांगितले होते. सुरुवातीला चोरट्यांनी त्याला काही सोपे ऑनलाइन टास्क दिले आणि ते पूर्ण केल्यावर त्याला थोडे पैसे मिळाले. हे पाहून तरुणाचा विश्वास बसला आणि त्याने अधिक पैसे कमावण्याच्या उद्देशाने (Pune Crime) पुढील टास्क स्वीकारले.
also read – सावधान पुणे, GBS चा धोका वाढला, हलक्यात घेऊ नका
मोठ्या परताव्याच्या आमिष (Pune Cyber Crime)
यानंतर चोरट्यांनी त्याला मोठ्या उत्पन्नाचे आमिष दाखवले आणि काही रक्कम एका विशिष्ट बँक खात्यात जमा करण्यास सांगितले. प्रारंभी त्याला कामाच्या मोबदल्यात काही पैसे परत मिळाले. त्यामुळे त्याने अधिक गुंतवणूक करण्यास सुरुवात केली. काही वेळातच चोरट्यांनी त्याच्याकडून मोठी रक्कम उकळली आणि पैसे परत न मिळाल्याने त्याला फसवणूक झाल्याची जाणीव झाली.
फसवणुकीची जाणीव झाल्यावर पोलिसांकडे तक्रार
Pune Cyber Crime या प्रकारानंतर तरुणाने तातडीने कोंढवा पोलीस ठाण्यात तक्रार दाखल केली. सदर प्रकरणाचा तपास गुन्हे शाखेचे पोलीस निरीक्षक अब्दुल रऊफ शेख करत आहेत.
also read – Guillain Barre Syndrome: पुण्यातील एक तरुण मृत्यूमुखी, नागरिकांना काळजी घेण्याचा सल्ला
Cyber Crime जाळ्यात अडकू नका!
Cyber Crime मध्ये सायबर गुन्हेगार विविध प्रकारच्या आमिषांचा वापर करून लोकांची फसवणूक करत आहेत. घरबसल्या काम, शेअर बाजारातील गुंतवणूक, जलद परताव्याच्या योजना अशा मोहजालात अनेकजण अडकत आहेत. त्यामुळे नागरिकांनी अशा भुलथापांना बळी न पडता प्रत्येक आर्थिक व्यवहाराची नीट चौकशी करावी, असा सल्ला पोलिसांनी दिला आहे.
