पश्चिम बंगालच्या राजकारणात आपली वेगळी ओळख निर्माण करणारे आणि भाजपसाठी निःस्वार्थपणे काम करणारे Indrajit Sinha हे सध्या अत्यंत कठीण परिस्थितीतून जात आहेत. ‘बुलेट दा’ या टोपणनावाने ओळखले जाणारे सिन्हा बीरभूम जिल्ह्यातील तारापीठ स्मशानभूमीत भीक मागताना आढळले, ही बाब समोर येताच राजकीय वर्तुळात खळबळ माजली.
राजकीय प्रवास आणि योगदान
Indrajit Sinha यांनी काँग्रेस पक्ष सोडून सुमारे दहा वर्षांपूर्वी भाजपमध्ये प्रवेश केला होता. पक्षात प्रवेश केल्यानंतर त्यांनी विशेषतः आरोग्य सेवांमध्ये कार्यरत राहून अनेक गरजू कार्यकर्त्यांना मदतीचा हात दिला. त्यांचे कार्य इतके प्रभावी होते की भाजपच्या आरोग्य सेवा सेलचे संयोजक म्हणून त्यांची निवड करण्यात आली. त्या काळात राज्यातील अनेक सरकारी रुग्णालयांमध्ये पक्षाच्या कार्यकर्त्यांना योग्य उपचार मिळवून देण्यात त्यांचा मोठा वाटा होता.
त्यांनी अखंड परिश्रम घेत भाजपला पश्चिम बंगालमध्ये बळकटी दिली. तत्कालीन भाजप प्रदेशाध्यक्ष राहुल सिन्हा यांच्या नेतृत्वाखाली त्यांनी पक्षासाठी झोकून देऊन काम केले. त्यांच्या मेहनतीमुळे ते पक्षाच्या राजकीय वर्तुळात ओळखले जाऊ लागले आणि कार्यकर्त्यांमध्ये लोकप्रिय झाले.
also read – Kabali चित्रपट निर्माता k p chaudhary यांनी गोव्यात आत्महत्या केली!
कॅन्सरशी झुंज आणि कठीण परिस्थिती
गेल्या दोन वर्षांपासून Indrajit Sinha दुर्धर अशा कर्करोगाशी लढा देत आहेत. सुरुवातीला ट्यूमरचे निदान झाले, मात्र पुढे हा कर्करोग असल्याचे स्पष्ट झाले. त्यांना योग्य उपचार मिळवण्यासाठी संघर्ष करावा लागला. आर्थिक परिस्थिती अत्यंत खालावल्यामुळे ना त्यांना चांगले उपचार मिळाले, ना राहण्याची व्यवस्था. परिस्थिती एवढी बिकट झाली की त्यांना तारापीठ स्मशानभूमीत दोन महिने अन्नासाठी भीक मागावी लागली. झोपण्यासाठी कोणतेही ठिकाण नसल्यामुळे ते झाडाखाली रात्र काढत होते. ज्या पक्षासाठी त्यांनी इतकी वर्षे झोकून देऊन काम केले, त्याच पक्षात आज त्यांची दखल घेणारे कोणीही उरले नव्हते
BJP कडून मदतीचा हात
त्यांची अवस्था समोर आल्यानंतर भाजपचे प्रदेशाध्यक्ष आणि केंद्रीय शिक्षण मंत्री डॉ. सुकांत मजुमदार यांनी त्वरित पावले उचलली. त्यांनी बीरभूम जिल्हाध्यक्षांना निर्देश दिले की सिन्हा यांना रुग्णालयात दाखल करावे. विरोधी पक्षनेते सुवेंदु अधिकारी यांनीही या प्रकरणाची गंभीर दखल घेतली आणि अखेर ‘बुलेट दा’ यांना कोलकात्यातील एका खाजगी रुग्णालयात उपचारासाठी दाखल करण्यात आले.
Indrajit Sinha यांचा संघर्ष
एकेकाळी प्रभावी राजकीय नेते आणि पक्षासाठी अविरत मेहनत करणाऱ्या Indrajit Sinha यांची अशी अवस्था होणे ही राजकीय आणि सामाजिक व्यवस्थेसाठी विचार करायला लावणारी बाब आहे. त्यांनी पक्षासाठी दिलेले योगदान मोठे असले तरी आज त्यांना मदतीची गरज भासते आहे. त्यांच्या या परिस्थितीवरून हे स्पष्ट होते की, राजकारणात सक्रिय असताना स्वतःच्या सुरक्षिततेसाठीही काही पर्याय खुले ठेवायला हवेत.
भाजपने उशिरा का होईना, पण त्यांच्यासाठी मदतीचा हात पुढे केला आहे. मात्र, भविष्यात असे कोणत्याही निष्ठावान कार्यकर्त्यासोबत होऊ नये, यासाठी राजकीय पक्षांनी आणि समाजानेही एकत्र येऊन विचार करायला हवा.