होंडानं त्यांच्या सोशल मीडिया प्लॅटफॉर्मवर 2025 honda CB650R मोटरसायकल भारतात लाँच होणार असल्याचं जाहीर केलं आहे. ही स्टायलिश बाईक इंडिया मोबिलिटी 2025 इव्हेंटमध्ये सादर केली जाईल, असा अंदाज वर्तवला जात आहे. किंमतीसंदर्भातील माहिती नंतर उघड केली जाईल.
दमदार फोर-सिलेंडर इंजिन
Honda CB650R मध्ये 649 cc क्षमतेचं लिक्विड-कूल्ड इनलाइन फोर-सिलेंडर इंजिन दिलं गेलं आहे. हे इंजिन 6-स्पीड गिअरबॉक्सशी जोडलेलं आहे. या इंजिनचं पॉवर आउटपुट 95 bhp असून, 63 Nm टॉर्क प्रदान करतं. त्यामुळे ही बाईक दमदार कामगिरी करण्यास सक्षम आहे.
मजबूत हार्डवेअर आणि सस्पेन्शन (Honda CB650R)
Honda CB650R मध्ये स्टील डायमंड फ्रेमचा वापर करण्यात आला आहे, जी या बाईकच्या मजबुतीसाठी महत्त्वाची आहे. सस्पेन्शनसाठी समोरील बाजूस 41 मिमी शोवा सेपरेट फंक्शन बिग पिस्टन फोर्क्स देण्यात आले आहेत, तर मागील बाजूस मोनो-शॉक सस्पेन्शन दिलं गेलं आहे. हे सस्पेन्शन 10-स्टेप अॅडजस्टेबल आहे, ज्यामुळे रायडरला चांगला प्रवास अनुभव मिळतो.
ब्रेकिंग सिस्टीममध्ये, समोरील बाजूस 310 मिमी डिस्क आणि मागील बाजूस 240 मिमी डिस्क ब्रेक दिले आहेत. ड्युअल-चॅनेल ABS आणि स्विचेबल ट्रॅक्शन कंट्रोल यांसारख्या अत्याधुनिक सुरक्षा सुविधा देखील या बाईकमध्ये आहेत.
also read – एक्स्प्रेस वे अन् हायवेवर ड्रायव्हिंगचे नियम बदलणार
Honda CB650R – आकर्षक वैशिष्ट्ये
होंडा CB650R मध्ये 5-इंचाचा TFT डिजिटल स्क्रीन देण्यात आला आहे. ही स्क्रीन रायडरला स्मार्टफोनशी ब्लूटूथद्वारे जोडता येते. कॉल, मेसेज अलर्ट, आणि टर्न-बाय-टर्न नेव्हिगेशन यांसारख्या फिचर्समुळे रायडिंग अधिक सोपं आणि स्मार्ट होतं.
Honda CB650R – रंग आणि डिझाईन
Honda CB650R फक्त पर्ल स्मोकी ग्रे या रंगात सादर होण्याची शक्यता आहे. या रंगामुळे बाईकचा लूक अधिक आकर्षक आणि प्रीमियम दिसतो. 2024 मध्ये होंडानं CB650R मॉडेलमध्ये ई-क्लच तंत्रज्ञान सादर केलं होतं. या तंत्रज्ञानामुळे गीअर्स बदलताना किंवा थांबताना क्लच लीव्हर वापरण्याची गरज भासत नाही. मात्र, भारतात ई-क्लच व्हर्जन उपलब्ध होईल की नाही, हे अद्याप स्पष्ट झालेलं नाही.
Honda CB650R किंमत
2025 होंडा CB650R ची एक्स-शोरूम किंमत अंदाजे 10 लाख रुपयांच्या आसपास असण्याची शक्यता आहे. यापूर्वीच्या मॉडेलची किंमत 9.15 लाख रुपये होती. त्यानुसार किंमतीत काहीशी वाढ होण्याची शक्यता आहे.
CBR650R देखील लाँच होणार
CB650R व्यतिरिक्त, होंडा भारतीय बाजारात CBR650R ही स्पोर्ट्स बाईक देखील लाँच करणार आहे. ही बाईक पूर्णपणे फेअर डिझाईनसह येईल. यात CB650R प्रमाणेच दमदार इंजिन आणि हार्डवेअर दिलं जाईल.
पुढील महिन्यात कळणार किंमत
Honda CB650R ही स्टायलिश डिझाईन, प्रगत तंत्रज्ञान, आणि दमदार कामगिरी यांचा समतोल साधणारी बाईक आहे. या बाईकची प्रतीक्षा अनेक भारतीय बाईकप्रेमी करत आहेत. पुढील काही महिन्यांत लाँच आणि किंमत याबद्दल अधिक माहिती मिळेल, याची आशा आहे.
