बेळगाव—belgavkar—belgaum : संरक्षण सेवेमध्ये अधिकारी होण्याची संधी महाराष्ट्रासह सीमाभागातील युवकांना उपलब्ध झाली आहे. छत्रपती संभाजीनगर येथील सैनिकी सेवापूर्व शिक्षण संस्थेच्यावतीने २०२५ च्या तुकडीसाठी ऑनलाईन अर्ज मागविण्यात आले आहे. यामध्ये महाराष्ट्रासह सीमाभागातील बेळगाव, कारवार, बिदर या जिल्ह्यातील उमेदवारांना अर्ज करता येणार आहेत.
२० एप्रिल २०२५ रोजी यासाठी परीक्षा होणार असून विद्यार्थ्यांनी अधिकाधिक अर्ज करावेत, असे आवाहन करण्यात आले आहे. सैन्यामध्ये भरती होऊ इच्छिणाऱ्यांना सैनिकी सेवापूर्व शिक्षण संस्थेमार्फत प्रशिक्षण दिले जाते. यासाठी उमेदवार अविवाहित (मुलगा) महाराष्ट्र किंवा बेळगाव, बिदर व कारवार जिल्ह्याचे डोमेसेल, २ जानेवारी २००८ ते १ जानेवारी २०११ दरम्यानचा जन्म, मार्च-एप्रिल २०२५ मध्ये होणाऱ्या माध्यमिक परिक्षेला बसलेले विद्यार्थी या परीक्षेसाठी पात्र ठरणार आहेत. २० एप्रिल रोजी विविध केंद्रांवर लेखी परीक्षा घेतली जाणार आहे. एकूण ६०० मार्काची बहुपर्यायी प्रश्नपत्रिका असणार आहे.
या परीक्षेसाठी ४५० रुपये शुल्क आकारले जाणार आहे. अधिक माहितीसाठी spiaurangabad.com या संकेतस्थळावर संपर्क साधावा. पात्र विद्यार्थी २८ फेब्रुवारी २०२५ पर्यंत अर्ज करू शकतात.
Original Notification :
संरक्षण सेवेमध्ये अधिकारी होण्याची महाराष्ट्रातील युवकांना सुवर्ण संधी
Notification for admission to SPI
महाराष्ट्र शासन
सैनिकी सेवापूर्व शिक्षण संस्था, एन-१२, सिडको, छत्रपती संभाजीनगर
१. संरक्षण सेवेमध्ये अधिकारी म्हणून महाराष्ट्रातील युवकांनी जास्तीत जास्त संख्येने जावे, ह्यासाठी महाराष्ट्र शासनाने छत्रपती संभाजीनगर येथे संस्थेची स्थापना केलेली आहे. जून २०२५ मध्ये सुरू होणा-या छत्रपती संभाजीनगर येथील ४९ व्या तुकडीसाठी ऑनलाईन अर्ज मागविण्यात येत आहेत.
२. पात्रताः (अ) अविवाहित (मुलगा). (ब) महाराष्ट्राचे अधिवासी (Domicile) तसेच कर्नाटक राज्यातील फक्त बिदर, बेळगावी अणि कारवार जिल्हयाचे अधिवासी. (क) जन्म तारीख ०२ जानेवारी २००८ ते ०१ जानेवारी २०११ च्या दरम्यान, (ड) मार्च एप्रिल मे २०२५ मध्ये होणाऱ्या माध्यमिक शालांत (दहावी) परीक्षेला बसणारा. (इ) जून-२०२५ मध्ये इयत्ता ११ वी मध्ये प्रवेश घेण्यासाठी पात्र असावा.
३. शारीरिक पात्रताः सैन्यदलात अधिकारी बनण्यासाठी दिलेल्या सर्व निकषांसाठी पात्र असावा. UPSC ने NDA आणि INA साठी दिलेल्या सर्व शारीरिक निकषांस पात्र असावा. हे निकष UPSC तथा संस्थेच्या संकेत स्थळावर उपलब्ध आहेत. काही प्रमुख निकष पुढीलप्रमाणे उंची कमीत कमी १५७ से.मी. वजन ४३ कि.ग्रा. रातांधळेपणा किंवा रंगांधळेपणा नसावा. छाती न फुगवता ७४ से.मी. फुगवून ७९ से.मी. NDA / INA प्रवेशासाठी UPSC च्या आधिसूचनेनुसार डोळयांची क्षमता असावी.
४. लेखी परीक्षा आणि मुलाखत पात्र उमेदवारांची लेखी परीक्षा इंग्रजी माध्यमातून २० एप्रिल २०२५ रोजी विविध केंद्रांवर घेतली जाईल. परीक्षेमध्ये एकाच प्रश्नपत्रिकेत ६०० मार्काचे बहुपर्यायी Multiple Choice Questions, ७५ प्रश्न गणिताचे आणि ७५ प्रश्न सामान्यज्ञान General Ability Test (GAT) असे एकूण १५० प्रश्न असतील. प्रत्येक योग्य उत्तराला (४) गुण व चुकीच्या उत्तरास (१) गुण मिळतील. लेखी परीक्षा साधारणतः इयत्ता ८ वी ते १० वीच्या स्टेट बोर्ड व सी.बी.एस.ई. च्या अभ्यासक्रमावर आधारीत असेल. यशस्वी उमेदवारांना मुलाखतीसाठी बोलवण्यात येईल.
५. ऑनलाईन अर्ज www.spiaurangabad.com या संकेत स्थळावर उपलब्ध आहेत. परीक्षा शुल्क रूपये ४५०/- (परत न करता येण्याजोगे) ऑनलाईन फक्त क्रेडीट कार्ड, डेबिट कार्ड किंवा नेटबँकीग इत्यादी व्दारे भरावे. डिमांड ड्राफ्ट किंवा चलानव्दारे भरलेले परीक्षा शुल्क स्विकारले जाणार नाही. प्रवेश अर्ज संस्थेच्या अटी व शर्ती नुसार भरलेला नसल्यास अर्ज नामंजूर होइल, तसेच प्रवेश परीक्षा शुल्क परत मिळणार नाही.
६. प्रवेश अर्ज स्विकारण्याची शेवटची तारीख: २८ फेब्रुवारी २०२५ संध्याकाळी ६:०० वाजेपर्यंत.
७. हॉल तिकीटः दिनांक १० एप्रिल २०२५ सकाळी १०.०० वा. नंतर संस्थेच्या संकेत स्थळावरून डाऊनलोड करून घेता येतील.
८. परीक्षा संबधीत सूचनांसाठी www.spiaurangabad.com हे संकेत स्थळ वेळोवेळी तपासावे. इतर कोठेही हया बाबत सूचना दिल्या जाणार नाहीत.
Free training to become an officer in the army
Free training to become an officer in the army
Free training to become an officer in the army
Free training to become an officer in the army
Free training to become an officer in the army