बेळगाव—belgavkar—belgaum : कार व बसच्या धडकेत आई ठार झाली तर हेस्कॉम अभियंता असलेला मुलगा एअर बॅग उघडली गेल्यामुळे बचावला. निपाणी-मुधोळ राज्यमार्गावर तालुक्यातील उमराणीनजीक शनिवारी हा अपघात झाला. निर्मला भरमू आवटे (वय 60, रा. यादवनगर, चिकोडी) असे मृत महिलेचे नाव आहे.
चिकोडी येथील हेस्कॉमचे सहाय्यक अभियंता नेमिनाथ भरमू आवटे (वय 43) हे गंभीर जखमी आहेत. नेमिनाथ हे मूळचे रायबाग येथील असून सध्या चिकोडी शहरातील यादवनगरात राहतात. ते आपल्या कारमधून चिकोडीहून उमराणीकडे जात होते. पंक्चर झालेल्या ट्रॉलीला ओव्हरटेक करत सावळगीहून चिकोडीकडे येणार्‍या बसची त्यांच्या कारला धडक बसली. त्यावेळी एअर बॅग उघडल्यामुळे नेमिनाथ बचावले तर मागे बसलेल्या त्यांच्या आई निर्मला आवटे जागीच ठार झाल्या.
नेमिनाथ यांना चिकोडी येथील खासगी रुग्णालयात दाखल करण्यात आले आहे. अपघातामुळे निपाणी-मुधोळ राज्य महामार्गावर काहीवेळ वाहतूक कोंडी निर्माण झाली होती. चिकोडी रहदारी पोलिस स्थानकात या घटनेची नोंद झाली आहे. अपघाताची माहिती समजतात चिकोडीचे पोलिस उपअधीक्षक गोपाळकृष्ण गौडर, मंडल पोलिस निरीक्षक विश्वनाथ चौगुला, रहदारी पोलिस ठाण्याच्या उपनिरीक्षक रूपा गुडोडगी यांनी घटनास्थळी पाहणी केली.
निपाणी-मुधोळ राज्यमार्गावर अलिकडच्या काळात वाहनांची वर्दळ वाढली आहे. दुपदरी व अरुंद रस्ता असल्याने वारंवार या मार्गावर अपघाताच्या घटना वारंवार घडत आहेत. अपघातात अनेकांना आपला जीव गमवावा लागला आहे. त्यामुळे या मार्गाचे चौपदरीकरण करण्याची मागणी होत आहे.
#Belgaum #Chikodi #Accident #RoadSafety #TrafficAccident #NipaniMudhol #EmergencyResponse #AirbagSafety #RoadAwareness #SafetyFirst #ChikodiPolice #BelgaumNews #RoadAccident #TrafficUpdate #PublicSafety #AccidentReport #LocalNews #CommunitySafety #RoadConditions #SafetyAwareness
accident near Umrani Nipani-Mudhol road Chikodi Belgaum
accident near Umrani Nipani-Mudhol road Chikodi Belgaum
accident near Umrani Nipani-Mudhol road Chikodi Belgaum