सिंघम फ्रेंचायजी मधला ‛ Singham Again’ हा चित्रपट रोहित शेट्टी घेऊन येत आहे आणि त्याचा टिझर नुकताच लॉन्च झाला आहे. त्यात पुन्हा एकदा आपल्याला अजय देवगण रुबाबदार इन्स्पेक्टरच्या भूमिकेत दिसत आहे
2011 मध्ये कॉप सिरीज म्हणजे पोलीस इन्स्पेक्टरची मध्यवर्ती भूमिका असलेला एक्शन पट सिंघम या तमिळ चित्रपटाचा रिमेक हिंदीमध्ये करण्यात आला. हा चित्रपट रोहित शेट्टीने आणला होता तर त्यात अजय देवगण यांनी बाजीराव सिंघमची भूमिका केली होती. तर काजल अग्रवाल आणि प्रकाश राज यांच्या मुख्य भूमिका होत्या. या चित्रपटाने बॉक्स ऑफिसवर धुमाकूळ घातला होता. त्यानंतर 2015 मध्ये याचीच फ्रेंचायजी असलेला ‛सिंम्बा’ हा चित्रपट आला होता. त्यात रणवीर सिंग याने सिंम्बाची मध्यवर्ती भूमिका केली होती तर सारा आली खान आणि सोनू सूद यांच्या प्रमुख भूमिका केल्या होत्या. हा चित्रपट देखील बॉक्स ऑफिसवर हिट ठरला होता. 2021मध्ये त्यानंतर याच फ्रेंचायजी मधला ‛सूर्यवंशी’ हा चित्रपट आला होता वीर सूर्यवंशी याची मध्यवर्ती भूमिका अक्षय कुमारने साकारली होती तर कतरिना कैफ आणि जॉकी श्रॉफ यांच्या मुख्य भूमिका होत्या.
रोहित शेट्टी दिग्दर्शित अजय देवगणच्या Singham Again चित्रपटाची प्रेक्षक आतुरतेने वाट पाहत आहेत. हा सिंघम फ्रेंचायजीचा चौथा चित्रपट असल्याने प्रेक्षकांच्या याकडे नजरा लागल्या आहेत. तगड्या स्टारकास्ट Singham Again चित्रपटात असून अजय देवगण, रणवीर सिंग, दीपिका पदुकोन, करीना कपूर, जॅकी श्रॉफ, टायगर श्रॉफ आणि विलनच्या भूमिकेत अर्जुन कपूर झळकणार आहे. आता या स्टारकास्टमध्ये बॉलिवूडमधील आणखी एक नाव जोडलं गेलं आहे.
बाजीराव सिंघम आणि चुलबूल पांडे दिसणार एकत्र
आता रोहित शेट्टीच्या कॉप युनिव्हर्समध्ये चुलबुल पांडे म्हणजेच सलमान खान याची एन्ट्री होणार आहे. Singham Again चित्रपटात अभिनेता सलमान खान उर्फ चुलबूल पांडे कॅमिओ करणार आहे. बॉलिवूडचा दगंब खान उर्फ चुलबूल पांडे रोहित शेट्टीच्या चित्रपटात धमाका करायला येणार आहे. अजय देवगणचा सिंघम चित्रपट दिवाळीमध्ये प्रेक्षकांच्या भेटीला येणार आहे. यंदा दिवाळी सिंघमसोबत डबल धमाका करण्यासाठी दबंग चुलबूल पांडेही येणार आहे.
रोहित शेट्टीच्या चित्रपटात दिसणार सलमान खान
रोहित शेट्टीच्या सिंघम अगेन या चित्रपटात आता अजय देवगण बरोबर दिसणार आहे चुलबूल पांडे म्हणजे सलमान खान. मीडिया रिपोर्ट नुसार रोहित शेट्टीने सलमान खानला त्याच्या सिंघम अगेन या चित्रपटात काम करण्यास राजी केले आहे.
कोण आहेत कलाकार आणि दिग्दर्शक?
सिंघम अगेन चित्रपटात तगडी स्टार कास्ट आपल्याला पाहायला मिळणार आहे अजय देवगण, अक्षय कुमार, रणवीर सिंग,सलमान खान, जॉकी श्रॉफ, टायकर श्रॉफ, अर्जुन कपूर तसेच दीपिका पदुकोण, करीना कपूर-खान अशा बड्या कलाकारांची मांदियाळी असून रोहित शेट्टी यांचे दिग्दर्शन आहे. हा चित्रपट रिलायन्स एंटरटेनमेंट, जिओ स्टुडिओ, अजय देवगण फिल्म्स आणि शेट्टी पिक्चर्स अंतर्गत सह-निर्मिती आहे.
| Name in Film | Actors Name |
|---|---|
| Bajirao Singham | Ajay Devgn |
| Veer Sooryavanshi | Akshay Kumar |
| ACP Satya | Tiger Shroff |
| Shakti Shetty | Deepika Padukone |
| Sangram Bhalerao | Ranveer Singh |
| Name in Film | Actors Name |
|---|---|
| Jhanvi Kadam Naya | Shweta Tiwari |
| Avni Kamat | Kareena Kapoor Khan |
| Danger Lanka | Arjun Kapoor |
| Omar Hafeez | Jackie Shroff |
| Nityanand Mohile | Ashutosh Rana |
काय आहे Singham Again टिझरमध्ये?
टिझरमध्ये आपल्याला Singham Again मधली कथा ही कश्मीरमध्ये घडताना दिसत आहे. तसेच यात अजय देवगण बरोबर रणवीर कपूर आणि अक्षय कुमार ही दिसत आहेत. तसेच जॉकी श्रॉफ आणि टायगर श्रॉफ देखील दिसतात. कदाचित या चित्रपटाची कथा कश्मीर खोऱ्यातील आतंकवादी विरुद्ध अजय देवगण आणि टीम अशी असण्याची शक्यता आहे. या चित्रपटात अर्जुन कपूर हा खलनायकाच्या भूमिकेत दिसणार आहे. तसेच चित्रपटात चुलबुल पांडे म्हणजेच सलमान खान देखील दिसणार आहे. त्यामुळे हा मल्टी स्टारर चित्रपट बॉक्स ऑफिसवर काय कमाल करतो ते पाहण्यासारखे आहे.
बॉक्स ऑफिसवर Singham Again ची होणार भुलभुलैय्या तीनशी टक्कर
1 नोव्हेंबरला Singham Again बरोबर बहुप्रतिक्षित असलेला भुलभुलैय्या तीन हा चित्रपट रिलीज होणार आहे. दोन्ही चित्रपटांची बॉक्स ऑफिसवर लढत पाहायला मिळणार आहे. खरं तर दोन्ही चित्रपटांची प्रेक्षक आतुरतेने वाट पाहत होते आणि हे दोन्ही चित्रपट एकाच दिवशी रिलीज होणार असल्याने प्रेक्षकांसाठी हा दिवाळी डबल धमका असणार आहे. दोन्ही चित्रपटात तकडी स्टार कास्ट असून दोन्ही चित्रपट प्रेक्षकांसाठी खूप उत्सुकता निर्माण करणारे आहेत.
रोहित शेट्टी यांच्या कॉप सिरीजची एक फ्रेंचायजी असणारा हा चित्रपट आता बॉक्स ऑफिसवर काय कमाल दाखवतो आणि बाकी याच सीरिजमधील चित्रपटांसारखा हा चित्रपट देखील हीट ठरतो का हे मात्र आपल्याला चित्रपट रिलीज झाल्यावरच कळेल. या चित्रपटाची स्पर्धा ही भुलभुलैय्या तीन सारख्या चित्रपटाबरोबर असणार आहे त्यामुळे चित्रपटाला यश इतक्या सहज तर मिळणार नाही त्यासाठी दोन्ही चित्रपटांमध्ये कटेकी टक्कर असणार आहे हे नाकारता येणार नाही. या स्पर्धेत कोणता चित्रपट बाजी मारतो आणि कोणता चित्रपट मागे राहतो हे देखील पाहणे मनोरंजन ठरणार आहे.
